للى داخلة على حياة زوجية جديدة تدخل هنا(2)

 لاطلاع على الجزء الاول من هنا

موضوع الهدايا دة لية سحر خاص وصدق النبي عليه الصلاة والسلام لماقال تهادوتحابو مش لازم هداياغالية ممكن فاكهة تشتريها لنفسك وتقولى لجوزك اعمل حساب مامتك معانا هيتبسط اوى او لوانتى شطورة وعملتى صنف مختلف تعملى وتدوقى حماتك منه وياريت لوتدوقى الكل سلايفك واخوات جوزك واعمليها انشا لله بنية صدقة والله هيحبوكى جامد وخصوصا لوبتعملى اصناف هم مش عارفينها بيتزا حلويات كدة وربنا يهنيكو

صفات عايزة تغيريها فى جوزك

بالنسبة

لاى صفة مش عاجباكى فى جوزك لما اتجوزتية اوحتى عارفاها

من ايام الخطوبة

ما تقوليش صعب اغيرها

احنا خلاص اتجوزنا ولوكان هيتغير كان اتغيرقبل الجواز

لاياحبيبتى معلوماتك غيردقيقة على راى عمروموسي وابوالفتوح فى المناظرة التاريخية بتاعتهم

انتى بعد الجواز وخصوصا اول شهورجواز سهل عليكى جدا تشكلى جوزك زى ماانتى عايزة اوهو اللى يطلع شاطرويشكلك

انتى دلوقتى مراتة مش خطيبتة مش هتتكسفى لوعمل حاجة كويسةوعجبتك وعايزاة على طول يكررها تروحى عاطياله بوسة وتقوليله ربنامايحرمنى منك ياروحى

كدةهتعملى عندة رابط شرطى بين الحاجةالحلوة اللى عملها وبين فرحتك بيه ومكافاتك لية بلاش علم نفس

نتكلم بالعامية

دلوقتى انتى مراتة تقدرى تديلة حاجات لاوالدتة ولااخته تديهاله وتقدرى وقت اللزوم تحرمية من الحاجات دى لمايزعلك وطبعاولاهنكد زى مااتفقناولاخناق ولا لوى بوز

لا احنا اتفقنا قبل كدة انناعودناه ينام فى حضننا كل ليلة واقوله بحبك اوى او وحشتنى اى حاجة عودية عليها خليها روتين واتفننى فى طريقة القائها كل يوم

هتيجى وانتى زعلانة تكملى يومك عادى جدا وتاكلية وتشربية وتمام التمام من غير قلبة وش

تيجى وقت النوم تروحى نايمة من غير ولاكلمة وتحضنى مخدة وخلاص وهتشوفى هيبقي شكلة اية واللى انتى عايزاه هيتنفذ ولا لا

بصو بقى هكلم عن الاكل  

  فى حاجة مهمة عيزاكو تعرفوها احناطول فترة الخطوبة بناكل اكلة العصفورة مع خطابنا ومش بناخد راحتنا هنيجى لما نتجوز لواتكسفنا واتعاملنا بنفس الاسلوب يبقي عليه العوض وبعد كدة ههتبقي حامل ومسؤلة من نفس هتبقي تجوعيها انا مش هقولك خليكى مفجوعة وخلصى الاكل لا كلى زى طبيعتك زى ماكنتى بتاكلى فى بيت اهلك وطبعايبقي شكلك شيك وانتى بتاكلى لاتقعدى تطلعى صوت ولاتتكلمى وانتى بتاكلى انابقول الكلام دة لان عن تجربة فى ناس بتعانى بعد كدة اناشخصيا واحدة صحبتى جدا اتجوزت واحد والله العظيم بتعمل الاكل وييجى جوزها تحط قصادة الفرخة وتدخل تجيب الحوايج بتاع الفرخة ترجع ماتلاقيش الفرخة واى اكل بالطريقة دى وكان فى واحدة فى المحتارة بتشتكى من نفس الكلام بتقول جوزى بياكل الاكل ومايعملش حسابى ويقولها نسيت احنابقي عشان نبعد عن المشكلة دى من اول يوم نقسم الاكل انا طبق وهو طبق عشان يتعود اننا اتنين لان فى رجالة مش بتاخد فى بالها لوعايزة بعد ماقسمتى الاكل تديلة منابك كله انتى حرة براحتك بس تبقي علمتية انه دايما كل حاجة تتقسم بينكم 

انتى هتبقى النجمة

دايما حطى فى اعتبارك انك هتبقي عروسة ومحط انظار كتير اوى وكله قاعد مستنى يشوف ياترى اسلوبهااية كلامها اية لبسها ازاى هتعمل مشاكل مع جوزهاولالا هتعرف تدبربيتها وتبقي ست بيت ولاهتلوص وياسلام لوانتى مش بتطلعى اصل ااى اسرار عن حياتك لاى مخلوق عن اى حاجة سواء اكل شرب لبس معاملتك انتى وجوزك بتحب وبعض بتولعوفى بعض دة هيخلى ناس كتير قاعدين يكلمو نفسهم حطى فى اعتبارك ان اكترواحدة مستنيالك غلطة هى سلفتك وافتكرى المثل اللى بيقول مركب الضراير سارت ومركب السلايف غارت حاولى دايما تبقي حريصة جدا فى كلامك معاها اوعى تغلطى فيها لتقوم الدنيا ومتقعدهاش وياسلام لوعلاقتها حلوة بحماتك واهل جوزك هتقلبهم عليكى فى ثانية وهيصدقوها مهما عملتى خليكى واعية الله يخليكى وبلاش تغيظيها باى شكل لانها متغاظة خلقة لانك لسة عروسةجديدة وواكلة الجو ولسة مخلفتيش واتقلب حالك زيها وبتخرجى وبتتفسحى وعموما الكلمة الطيبة صدقة حاولى توديها وتجيبي لاولادها هداية بس بلاش تندمجى اوى فى علاقتك معاهاو ما تامنيهاش على سر بالنسبة للمسؤليات
لازم من اول يوم جوزك يكون حامل مسؤليتك انتى خلاص سيبتى بيت اهلك وبقيتى فى بيتة وحماه اناعارفة انى فى بنات هتموت على كلمة فى بيتة دى ومش مهم عندها اى حاجة تانية ياحبيبتى اول ماتدخلى بيته انتى خلاص زى ماهتعودية هيتعود طول العمر يعنى بلاش نتكسف من اننا نطلب منه اى حاجة سواء حاجات البيت او حاجات شخصية لازم بس طبعا تطلبيها بذوق عشان مايكرهش طلباتك ولمايجيب الحاجة تشكريه جدا وكانه عمل المستحيل لانه فعلا بعدهاهيتمنى يعمل عشانك المستحيل وهيبقي مبسوط بكدة دليل على كدة هتلاقية دايمايسالك مبسوطة معايا بس مش معنى كدة اقعد ارصلة فى طلبات لحد ماالراجل يجيله كبت ويقوم ينتحرزى اللى انتحرو لااطلب اللى عارفه انه فى امكانه والحاجة اللى مايقدرش عليها اقوله لوربنا كرمك هاتلى كزة والله مش هيتاخرعنك وجربي ولو تقدرو تشتغلو وتساعدو بعض عادى جدا

حماتك 

كلمة تضايق صح  وتخض كمان
كتيراوى من البنات تتمنى تتجوز واحد مامتة ميتة ومقطوع من شجرة وليهاوحدها عادى ممكن تلاقى واحد كدة ويطلع عينك عادى جدا وممكن واحد والدته عايشة وشخصيتها قوية وتحب تتحشرفى اى تافهه ويحبك ويعاملك كويس الحل الوحيد مع حماتك حاجة واحدةبس انك تراضيهاتقولى حاضرونعم حتى لو انتى معترضة فى قرارة نفسك ماتقوليش قوليلها حاضر مش هتخسرى كرامتك ولاحاجة بالعكس انتى هتكسبيها وتوفرى حرقة الدم والجدل العقيم اللى هيتفتح بين جيلك وجيلهاومش هنخلص حماتك دايما تحب تديكى نصايح وتحزيرات وحكم تنفعك للمستقبل وكمان بتديلك معلومات عن جوزك لانهاطبعا تعرفه اكترمنك ده ابنها
استقبلى كل دة بصدر رحب وبينيلها انك مبسوطة من اهتمامها والله هتحبك اوى وحسسيها انك بتحكيلها عن خصوصياتك بس اوعى تكونى بتعملى كدة فعلا تبقي وقعتى ومحدش سمى عليكى خدى وماتديش اناقصدى عشان هى تبقي تسالك انتى على طول بدل ماتسال ابنها اوعى جوزك يقولهاعلى اى حاجة بتحصل بينكم لو بيحصل كده فهمى جوزك ميعملش كده بس بينك وبينه 

 ياريت يابنات نكون قد المسؤلية من ناحية كل حاجة هتبقي مسؤلة عن بيت مملكتك عنوانك لازم يبقي بيدل على نضافتك وتنظيمك الاكل ماينفعش تقعدى تدلعى وتقولى هنقضيها جاهزيبقي هتقضيها فى المطاعم وهتخربى بيت جوزك
ادخلى هنا واتعلمى الاكل البسيط والاختراعات اى حاجة مكنتيش بتعمليها اتعلميها وابدعى فيها ياحبيبتى لنفسك اولا ياريت مانياسش بسرعه ونكون عندنا صبر وبالتوفيق يابنات فى حياتكو الزوجية وعايزة اشوف تعليقات وكومنتات نزلة مطرة عليا انا تعبت فى الموضوع