الانثى مش معناها بنت والسلاااام او زوجة والسلااااام
الانثى ليها طقووس بتختلف تماامااا عن طقوس البنت اللى بتجهل معنى الانوثة
وفى جملة قريتها كتير هنا ودخلت دماغى اوووى وهى ان مش كل بنت تبقى انثى بس كل انثى تبقى بنت
طيب يعنى اييييه كلمة انثىىىى بقى
- الانوثة ياقمرات انك تبقى كل حاجة فى وقت واحد عشان تبهرى عيون جوزك وميحسش انه ناقصه شخصيه معينه يتمنى يقعد يتكلم معاها يعنى لازم يشوف فيكى زوجة قويه وزوجة ضعيفه وموزة وواحده ناضجة يقدر يتكلم معاها وياخد رايها يعنى يشوف فيكى كل حاااااااااجه الشئ ونقيضه يلاقيه فيكى بس تبقى كل حاجه فى وقتهااا مش على الفاضى والمليان عشان يحس بطعمها
- الانوثة انك تهتمى اوووى بعنايتك الشخصيه وبمظهرك الخارجى وبكل كبيرة وصغيره فيكى من اول ضوافرك لغايه لبسك الى بتلبسيه حتى فى اصعب ظروفك اووووووعى تهملى فى نفسك صدقينى دا بينعكس عليكى وعلى جوزك
الانوثة مش بس اهتمام بالمظهر الخارجى دى كمان اهتمام بمظهرك الداخلى يعنى مش تبقى عاملة البدع فى نفسك واللى يشوفك من بعيد يقول نانسى عجرم ولما حد يقرب يتكلم معاكى يلاقى صوتك بيفكره بعم عبده فلاااااااااازم اوى تحتفظى برقتك وبهدوء صوتك وتبقى بنوته كيوت طول الوقت يعنى من الاخر مزة اربعه وعشرين ساعه حتى وانتى واقفه فى المطبخ
- الانوثة مش انك تتطبعى بسلوك معين عشان تبقى رقيقه مثلا لاااااازم ياقمر سلوكك يبقى طبيعى مش مصطنع اتعلمى واحدة واحدة انك تهدى صوتك وتهتمى بنفسك وووو لغايه ما توصلى لمرحلة انك فعلا بقيتى انثى بطبيعتك وابعدى عن التصنع عشان بيبقى باااااااااااااااايخ اووى ومكشوف
- الانوثة انك تعرفى امتى تلبسى دا ومتلبسيش دا يعنى متجيش بالنهار تضربى حاجه بربررق قال ايه على سبيل التغيير لاياقمر مش كدا لازم تعرفى ان اللبس فن وزوق وبيعكس شخصيتك فى عيون جوزك
- الانوثه ياقمرات انك تفننى فى ابراز مميزاتك وتقدرى تخفى بيها عيوووبك سواء فى الشخصيه او فى الجسد
طيب تعالى بقى اعرفى ازااااى تبقى الانثى الوحيدة فى حياة جوزك
- لازم تفهمى ان الراجل قبل ما بيدور فى مراته على زوجة تأدى طلباته وطلبات بيته بيدور فيها على الانثى اللى تملى عينه
- هتبقى الانثى الوحيدة فى حياة جوزك لو عملتى كل حاجه تسعدة فى العلاقه الزوجية بجررررأة ودى هتفرق اوى مع جوزك ولازم تفهمى ان الروتين والكسوووووف لو وصل للعلاقة الزوجية يبقى ضيعتى تقريبا كلللللل اللى بتعمليه عشان تسعديه لان العلاقه بتبقى فى كفة لوحدها واى حاجه تانيه فى فى كفة بالنسبه للزوج
- هتبقى الانثى الوحيدة فى حياة جوزك لو قدرتى توصليله انك مليون بنت فى بنت واحدة ودا هيحصل باهتمامك بنفسك وبلبسك خصوصا فى البيت بحيث لما يلف حواليه برا البيت ميلاقيش ان فى حاجه جديدة تلفت انتباهه غيرك انتى
- هتبقى الانثى الوحيدة فى حياة جوزك لو ملكتى جوزك بكل طرق الدلع والمعاملة اللى اتكلمنا عنها فى العناصر اللى فاتت
- لااازم ياقمر تهتمى بزوجك مش بس تهتمى بنفسك على اعتبار انك انتى الانثى الوحيدة فى حياته اللى المفروض تدخل فى اموره يعنى ياقمر مره تساعديه فى اختيار لبسه حتى لو كان هو من النوع اللى يحب يلبس على مزاجه بس صدقينى لو ضيفتى لمساتك بالكلام دا شيك اوى ودا مش اوى هيقتنع ومرة مع مرة هيحتاج اوى لرايك فى لبسه خصوصا فى المشاوير المهمه
- ولازم تساعديه كمان فى نظافته الشخصيه يعنى لو مش متعود يقص ضوافره قصيهاله انتى لو مش متعود يعمل باديكير لرجله اعمليهوله انتى كل فترة وفترة والله بجد الحاجات دى هتفررررق اووى معاكى ومعاه وبكدا انتى بتشغليه بيكى بالتدريج لغايه ماتسيطرى على عقله ويحس انه عايش مع انثى مدلعااه مش بتاكله وتشربه وتقوله قوم نااام وبعدين اخرج مع صحابك
واخيرا يا قمرات لازم قبل ما تعملى كل دا تهتمى بسلوكك وتطوريه وتثقفى نفسك عشان الانثى المثقفه بتشغل الراجل اكتر ما بيشغله الانثى اللى مش عايشه فى الدنيا والكئيبة البعيدة عن محور حياته
ليست هناك تعليقات:
إرسال تعليق