ازاى تخلى جوزك يتغير عشانك

طبعا ياقمراااااات من كتر ما احنا بنسعى للتغيير وندور هنا ونعمل من هنا عشان نبقى فلة شمعه منورة فى كل حااااااااجة من اول شكلنا لغايه اسلوبنا عشان نرضى ازواجنا بقينا نحس ان كل حااااااااااجه علينا والازواج مبيحسوش بقيمة اللى بنعمله عشانهم حتى ولو بكلمه حلوة على سبيل الشكر والاهتمااام

طيب وياترى بقى احنا هنعمل اييييه عشان الاول نحسس ازواجنا بأننا فعلا بنتعب عشانهم وبنتغير حتى لو بنمووت من التعب
بصو ياقمرات

- جذب الانتباااااااااه للتغيير
يعنى ياحبيبتى متغيريش فى شكلك ولبسك وطبعك وشكرا على كدا لازم تلفتى انتباه جوزك للتغيير اللى حصل فيكى طيب دا هيحصل ازااااى
لو انتى بتغيرى مثلا فى استايل لبسك يبقى لازم ياحبيبتى تضيفى لمسة جديدة تلفت انتباه جوزك ان حصل تغيير بالفعل واللمسة دى ممكن تكون فى تسريحة شعرك او فى شكل الميكب بتاعك او لون جديد لشعرك وهكذا ودى بتبقى حاجه ملفته للنظر بالنسبة للزوج اكتر ما هيلفت انتباهه انك لابسة لبس جديد
طيب لو انتى هتغيرى فى طبعك ودا الاهم فى الموضوع هتلفتى بقى نظر جوزك ازاى
لازم ياقمر تشوفى جوزك بيضايق منك فى ايه يعنى مثلا العصبيه او الصوت العالى او العند او او او وتبدئى تعملى كنترول على نفسك فى اى موقف هيحصل بينكم وبعد ما تحلوا المشكله بهدوء تبدئى تتكلمى معاه وتقوليله تصدق انى مبسوطة انى النهاردة لما حصل كذا انى صوتى مكنش عالى عشان مكنتش عاوزة اضايقك او انى مكنتش مكنتش متعصبه زى ما حصل قبل كدا وزعلت منى وهكذااااا وبكدا ياقمر بتلفتى نظره لحاجه انتى عملتيها وهو هيبدا يتاكد بنفسه من تغييرك فى المواقف اللى هتحصل بعد كدا ومرة مع مرة هييجى عليه وقت ويقولك يااااااه فاكرة زمان لما كنتى كذا وكذا لكن دلوقتى بقيتى كذا وكذا

- لااااازم ياحبيبتى تستمرى فى التغيير يعنى مش تبقى هادية النهادرة وقللتى من عصبيتك وتيجى تانى يوم تنسى اللى عملتيه واليوم بعده تبقى هاديه مينفعش تمشى على سطر وتسيبى سطر عشان تقدرى تثبتى الفكرة فى ذهن جوزك انك بتحاولى تبقى افضل

- لازم كمان تفهمى ان التغيير لنفسك اولا ولجوزك ثانيا ولاااااااااااازم جوزك يوصله الكلام دا بالاحساس وبالفعل منك عشان ثقتك بنفسك تبقى قويه

- لازم تفهمى كويس يعنى ايه تغيير ايجابى يعنى مش تروحى تقولى انا هتغير فى كذا وكذا وكذا من غير ما تفكرى هل التغيير دا هيرضى جوزك ولا لاء

- لازم كمان تبقى عارفه كويس ايه الحاجه الكويسة اللى فيكى وجوزك بيحبها عشان تنميها وتخليها افضل زى مثلا لو انتى طبعك متفاهمه معاه يبقى تحاولى تبثتى عنده الفكرة دى اكتر واكتر
واهم حاجه انك توصلى لجوزك انك بطلتى تعملى حاجات معينه عشان عرفتى انها بتضايقه وبدئتى تعملى حاجات احسن عشان ترضيه ودا هتوصليهوله بالكلام الغير مباشر والمعاملة او الشكل العام اللى يأكد تغييرك

طيب ياقمرات كدا احنا فهمنا نوصل ازاى للزوج اننا بنتغير عشانه
ياترى بقى هتخليه يتغير عشانك ازاااااااااااااى
شوفى ياقمر


- لازم تعرفى ان الراجل عموما ميحبش النقد الصريح خصوصا من مراته لانه بطبيعته عاوز يشوف نفسه كامل فى عيونها ولان النقد ممن يوصله ان الزوجة كانت تتمنى حد افضل منه

- وقت ما تكونى عاوز توصلى لجوزك حاجه فيه مش عاجباكى كطبع فيه لااااازم تمشى على مبدأ الابداااااااااااال يعنى ياحبيبتى تعكسى الموضوع على اى شخص تانى حد قريبك او واحدة صاحبتك هو ميعرفهاش بس اوعى تعكسى الموضوع على نفسك عشان انتى كدا بتلفتى انتباهه لعيوب فيكى حتى لو مش موجوده فيكى هيقتنع انها موجوده من كلامك ولازم تبقى حذرة اوى فى الكلام عشان ميوصلوش انك بتحبى تغتابى الناس وتجيبى فى سيرتهم طيب ازاااااااى هتوصليله رايك
انتى مثلا عاوزة توصليله انه عصبى هتقوليله تعرف انى ليا ابن خالتى مثلا كان عصبى مع مراته وفى مرة حصل مشكلة كبيرررة بسبب عصبيته وانت فكرتنى بيهم برد فعلك دا يعننى خير الكلام ما قل ودل
وبكدا انتى بتقوليله انت عصبى بس بشكل غير مباشر

وتقدرى برضو تقوليله انت عصبى بشكل مبااااااااشر فى وشه بس فى حالة واحدة بس ان جوزك يكون اعصابه هاديه وفاتح فى الكلام معاكى وقاعدين بتتناقشوا بهدوء وبتتكلموا فى عيوبكم ومزاياكم غير كدا اوعى تقوليهاله فى وشه عشان ميزودش فيها بالعند

- لازم تنصحى جوزك بشكل غير مباشر يعنى تمدحيه وتقوليله انت بقيت هادى ومتفاهم معايا حتى لو دا محصلش صدقينى هيحاول يبقى احسن لانك ادتيله دافع يبقى كويس وبالتالى هيحاول يظهر احلى ماعنده ومرة مع مرة هتلاقيه بقى شخص تااانى

- لازم تحسسى جوزك ان السلوك الوحش اللى فيه هياثر على بيته وتربيته لاولاده طيب دا هتوصلهوله ازاااى
يعنى مثلا تقعدوا تتكلموا عن ذكريات الطفوله وتشوفى جوزك كان ايه بيزعله وهو صغير من والدة ووالدته يعنى مثلا بيضربوه بيحرموه من حاجه وهكذا وتبدئى تقوليله عاوزين اولادنا يبقوا احسن ومنعملش معاهم اللى كان بيزعلك وهكذا كلمة من هنا على كلمة من هنا هيبدا فعلا يغير من نفسه او على الاقل يعمل كنترول على نفسه شويه وهيثبت فى ذهنه ان تربيته لأولاده لازم تبقى بشكل افضل ومن هنا هيسعى فعلا بالتغيير

- لازم ياقمر تدلعى جوزك وتحبيه اوووى وتوصليله دا بكل الطرق لانه لو وصله الاحساس بالسعادة معاكى صدقينى والله ما هيرضى يزعلك او حتى مش هيرضى يظهرلك عيوبه لانه عارف انها بتزعلك ومن هنا هو هيبدأ بالتغيير عشانك بالتدرييج

- لازم تفكرى جوزك دايما بمميزاااااااااااته لانك بالطريقة دى بتخلقى منه شخص ايجابى هيسعى دايما انه ميظهرش غير الشئ الحلو اللى فيه

- افهمى كويس ان ثقة جوزك فى نفسه بتديله طاقة ايجابيه فى انه يظهرلك التصرفات اللى تحسسك بثقته بنفسه وبرجولته ودا طبعا هيبقى على ايدك انك تمدحى فييه باستمرار لكن بحدود عشان متوصليش بيه لدرجة الغرور

واخيرا لازم تفهمى ان جوزك عشان يتغير عشانك لازم فى الاول وفى الاخر تكون علاقتكم ببعض علاقة حب يعنى يكون عايش حياة تسعده بجد وتحسسه بالفررررق بين حياته دلوقتى وحياته قبل كدا مش علاقة زوج وزوجة ودمتم ياكل ويشرب ويشتغل وشكرا
فالتغيير بالنسبة للزوج هيبقى رد فعل منه