حجات لازم تراعيها فى خطوبتك عشان متقوعيش فى الفخ ده

كل واحد اليومين دول يخطب واحدة النهاردة يقولها انتى خلاص بقيتى مراتى واحنا بقى
ماشاء الله علينا بنصدق اوم ونفرح وشوية بقى نلقى بدأ حقوقه وهى ايه بقى اولا بتبدأ بمسكة ايد ثم تتوالى طبعا بوسة فى التليفون وهكذا كلنا بنمانع من باب التقل وانه بنبقى شايفين انه مينفعش وحرام بس اوم بيستخدم كلمة انتى هتبقى مراتى وخلاص هنتجوز ومفيش حاجة تبعدنا عن بعض وعشان بحبك ووووووو..................... الخ

وبعض اخر يرد انه عايز يبقى لينا ذكرى حلوة نفتكرها بعد 10 او 20 سنة نفتكر كنت بحس بايه وانتى كنت بتبقى عاملة ازاى لما بلمس ايدك وطبعا دة كله كلام فى الاحلام مين ضامن عمره مين عارف بكرة فيه ايه

عارفة انك اكيد بتقولى دلوقتى احنا غير اللى بتتكلمى عنهم دول وخطيبى بيحبنى وبيموت فيا واحنا مش هنتعدى على حاجة تخلينى اندم عليها وبعدين مش لما يعمل معايا كدة يبقى بيحبنى ولا احسن يعمل مع اى واحدة ماهو البنات كتيرة وانتى مكبرها اوى دى مسكة ايد ولا بوسة ايه يعنى
هقولك انا مش مكبرها والله 
بصو يا حلوين انا عارفة انى كل واحد فى الدنيا يبقى نفسه يعمل كدة مع خطيبته او حببته علشان الممنوع مرغوب وهيبقى فرحان فى الاول بس خليكى عارفة انى اللى اردته ضعيفة ممكن يضعف مع اى واحدة ومش هيستحرم يعمل حاجة دة اولا
ثانيا بقى ودة الاهم لو حصلت بينكم مشكلة لاقدر الله تلقى الواد شوشو( الشيطان) دخل فى دماغه ويقولوه هى بتنطط على ايه مش كفاية انى مستحمل انها كانت بتعمل كدة وكدة معايا وانتى بقى قاعدة على نارك لانك خابفة وانه يبعد عنك ويكشف كل حاجة لاهلك او الناس اللى يعرفه وتقلى فى نظرهم حتى لو متجوزين هتلقيه فى كل مشكلة بيعيرك بالموضوع دة لو خرجتى تلقيه قاعد بيغلى لانه مش واثق فيكى وهتلقى غيرته عليكى زيادة ودة حقه طبعا ويقول مابينه ومابين نفسه خرجت و مش يمكن راحت تعمل وتعمل وتقولى رايحة عند امها وتلقى الشك بدأ بقى
انا عارفة انى فى بنات محترمة كتير واخلاق بس بيوقعو فى فخ الكلام المعسول وبتيجى فى الاخر على دماغهم 
من الاخر اى راجل فى النيا مبيحترمش اى بنت ممكن تفرط فى حاجة مش من حقه ياخدها مهما قالك انى بحترمك والحاجة دى مش هتاثر على اى حاجة دة كله كلالالالالالالام ممكن يباين انه زعل بس من جواه بيبقى فرحان جدا لانه نال بنت عمر ماحد هيلمسها غيروه ومتنسيش انى قلت الممنوع مرغوب وهتلقيه هيتجنن عليكى زيادة وهيعجل بالجواز على عكس لو دة حصل هيبقى خلاص مرتاح انك لي 
ردك بقى انتى هيبقى ايه طبعا هتمانعى وتقولى بكل ادب وهدوء وذوق وضحكة بسيطة كدة مع الخجل (( من استعجل شئ قبل اوانه عقابه الله بحرمانه)) ودة معناه انى ممكن ربنا ميباركلناش و ممكن يبعدنا عن بعض
ولو زعل بقى وبعد عنك يبقى مع السلامة والقلب دعيلك لانه لو عايزك مكنش هيفرط فيكى 

وفى حاجة كمان انا قريتها وعجابتنى اوى 
أذا تواجد الشهوة والحب فى الخطوبة فاعلم ان الشهوة ستنتصر والحب سوف يزول
وأذا تواجد الشهوة والحب بعد الجواز فاعلم انا الشهوة ستزول والحب سوف ينتصر وينمو 


والله يا حبايبى انا عايزة الخير للناس كلها وفكرى فيها ليه تدى واحد حاجة مش من حقه محدش عارف بكرة فى ايه فكرى كدة لما يكون جوزك واحساسه انه اخيرا امتلكك بعد عذاب هيحافظ عليكى اكيد بيتحبيه وبيحبه طيعو الله انا عارفة انى مش من اهل العلم ولا الدين بس دى دعوة منى لتعديل كل شء غلط فى حياتنا ومش عايزة واحدة تندم على اى حاجة هتعملها لانى ساعة الغضب بيعمى البصر وهتلقى واحد تانى خالص وتلقيه واقف يفضحك ولو مفضحكيش هتبقى خسرتى احترامه ليكى واحترامك لنفسك وخيانتك لاهلك