اسرار مهمة للبنات المقبلة على الزواج(كل ما يخص بداية الحياة الزوحية)

الموضوع دة للبنات اللى خلاص فرحهم اتحدد سواء الصيف دة او فاضل شهور ويتجوزو هقولكو اسرار مهمة اوى

  عندى ليكم كلام كتير اوى يابنات وخصوصا ان جواز دة موضوع كبير اوى مش مجرد فستان وطرحة وفرح فى قاعه كبيرة ومكياج محصلشي 

 واطلع حلوة فى الصور والكلام دة وشقتى جاهزة من مجاميعه عشان اغيظ البت الفلانية وامها السوسة لاالموضوع كبير اوى يبتدى من اول ماتخطى عتبة شقتك ويتقفل الباب عليكى اسرار كتير وخطط لازم تتعمل وحاجات كتير 

 بصويابنتوتات بيت الزوجية دة زى المعبد بالظبط بجد كل حاجة فية هتكون فى ميزان حسناتك لونويتى كدة الغى اى فكرة عدوانية فى دماغك قبل ماتدخلى شقتك عشان ربنا يكتبلك الخير

    الدعاء والصدقة يعنى اى حاجة فى الدنياعايزة ربنايحققهالك ادعى كتير اوى حتى وانتى ماشية فى الشارع كلمى ربناواطلبي منه بالحاح يحققلك اللى انتى عايزاة وطلعى انشاالله خمسين قرش
وحطيهافى ايد حد غلبان وادعى بعدها وخليكى واثقة ان كدة خلاص الدعوة استجابت يعنى حاجات كتيرمن اللى فى بالكم دلوقتى زى يارب عدى ليلة الدخلة على خير يارب ابقي احلى عروسة فى اليوم دة يارب جوزى يحبنى ويتمنالى الرضا يارب اهله يرضوعنى يارب احمل من اول يوم يارب يارب كل دة ربنا مش هيحرمك منه طول ما انتى بتدعية الخطوة الجاية اول حاجةهنعملها اول ماندخل شقتنا

 اول حاجة طبعا للعروسة فى اليوم دة انصح بيهاالحياء الحياء شعبة من شعب الايمان وصدقينى اى راجل فى العالم بينجزب للبنت صاحبة الحياء اصلى بشوف بنات تقولك اوعى تقولى لافى اليوم دة وخليكى جريئة والبسى قميص نوم قصير وكلام فاضى كدة واحدطول عمرى بقعدقصادة بلبس خروج وطرحة وشراب وجزمة ويمكن ماسلمناش على بعض بالايدقبل كدة اروح قاعدة قصادة مرة واحدة كدة بقميص مفيهوش ربع مترقماش كتيراوى عليه هونفسة لازم هو اللى يطلب ويتحايل ويتعب خلية يمارس مهمتة فى الحياه هو عايز كدة هو اللى يبوس اديكى تلبسي الحاجات دى قبل اللبس والكلام دة هندخل الشقة نسمى الله وندعى الدعاء اللى يريحنا زى مثلا اللهم اشرح لى صدرى ويسرلى امرى اواللهم ادخلنى مدخل صدق واخرجنى مخرج صدق واجعل لى من لدنك سلطانانصيرا وتدخلى بكل هدوء كدة تتفرجى على شقتك وبعدكدة تدخلى الحمام تغيرى هدومك وتلبسي اى حاجة رقيقة وتلبسي طرحة وتطلبى منه انكم تصلوسوا دى اهم خطوة والله ربناهيديم عليكم السعادة بفضل وبسبب الخطوة دى تصورو حياة جديدة كاملة نبداهابصلاة ركعتين لله نطلب فيهاربنا يجعلى الانسان دة زى ما انا احب وارضى وتخيلى زوجك هو الامام صلاةمفيش بعد كدة وادعواللى نفسكم فية

بعدالصلاة وبعد الاكل

كلمتين بيقولهم كل زوج فى اول يوم

طبعاقبل اى حاجة معظم الرجالة بيكون عندهم كلام محوشينة ليله الدخلة غير كلام الحب والحاجات دى يعنى عايز يقولك لازم تسمعى كلامى وماتعمليش حاجة من غير ازنى واهلى مهمين والكلام دة ماتعرضيهوش فى حاجة بس خليكى ناصحة وقوليلة واناكمان عندى حاجات مهمة عايزة اتفق معاك فيها بس ماتبينيش انك بتتشرطى ماتخليش الشياطين تنطط حواليكم واى مشكله خايفة تحصل قوليهاله ولوواحدةصاحبتك او اختك اتجوزت وعانت من موضوع معين ماتحكيلوش بس قوليلو مش عايزة يحصل كزة ماتمنعنيش عن اهلى ماتكلمنيش وحش قصاد حد دايما الاحترام يكون بينا وكل اللى نفسك فيه الكلام دةبينفع بعدكدة وخلى بالك كل ماانتى طاوعتية واستجابتى لطلباتة بسلاسة هو كمان مش هيرفضلك طلب

نيجى بقي لاول مبدا عايزين نعلمة لزوج المستقبل لان زى ماقلو جوزك على ماتعودية وفى بنات بتعود الرجالة على حاجات تغيظ وترجع تزعل وتقول هو بيعمل كدة لية!! اول حاجة عايزين نتعلمها التعاون والمشاركة مش هقعد اسمعه اوامرابقي ساعدنى ابقي اعمل اوعى تسيبنى اتعب لوحدى لالا الرجاله تزهق من كدة انتى تطبقي على طول .. خشى على العملى ازاى تخلية يساعدك من اول لحظة واطمنى هيبقي فى قمة السعادة وهو بيساعدك ودة هيحببة فى مساعدتك طول العمر هقولة بعد ازنك تفك معايا الطرحة لانها مليانة دبابيس والصندل لو من اللى بيلف على الرجلين دة عادى ما تتكسفيش يخلعك الصندل هو يطول وممكن السوستة على فكرة دى مش خباثة بس بجد انتى يعنى هتفكيها ازاى بس اوعى يعمل حاجة ازود من انه يفتحها فقط وتكونى جمب الحمام عشان يفتحها وتجرى على الحمام يا تديلة هدومة عشان يخرج يغير

بالنسبة للمفاجات اللى بعد الجواز بقي لازم يكون عندك استعداد ليها دى حاجة طبيعية مش كل حاجة ينفع تعرفيها قبل الجواز فى حاجات كتير هتكتشفيها بنفسك اوهتبان لوحدها زى حاجات كتير عن جوزك اوعن اهله حاولى تكونى وسطية فى احكامك وبلاش تهور يعنى ممكن تكتشفى ان جوزك بيخاف من اهله اوابن امه اوان حماتك قرشانه عادى عادى برضوما تستعجليش فى ردالفعل وكل حاجة وليهاحل هدى اعصابك خالص وحطى اعصابك فى تلاجة ولاكانك عرفتى حاجة

بنات نصيحة واحدة هتنفعك طول حياتك حاجة لازم تبعدى عنها وتبعدى جوزك عنها بقدر الامكان هى النكد وتاثيره على الحياة الزوجية الله يخليكى الغى الكلمة من قاموسك نهائى بلاش نكد حتى لو اختلفتى مع جوزك خليكى هادية وصوتك واطى وحاولى دايماماتغلطيش عشان ماتندميش بعدكدة فكرى فى اى كلمة تخرج منك لانها مش هترجع تانى ابدا لامع جوزك ولامع اهله خليكى فاكرة المثل اللى بيقول الست المفرفشة جوزها يرجعلهامن العشا بجد والله لوانتى مش نكد جوزك لا هيغرق مع كمبيوتر ولانت ولاصحاب ولا خروج لوحده ولاكل الكلام دة واوعى فى يوم تنامى بعيد عن جوزك اوعى تسيبي الاوضة ابدا مهما كنتى زعلانة ودايما تاخديه فى حضنك قبل ماتنامى هتلاقيه بعد كدة اتعود ويجى ينام لوحده ولو يوم زعلك وحرمتية من الحضن دة هتشوفى اية اللى هيحصله وبلاش اسراك تطلع بره لالاهلك ولالاهله عشان المواضيع ماتوسعش وتكرهى جوزك من غير لزوم اى مشكلة بينكم هتتحل وعشان اكدلكم ان المشكلة بتبدا كبيرة اوى وتنتهى صغيرة اووووووى واحدة صاحبتى بعد الجواز باسبوعين كانت عايزة تطلق ومتجوزة غصب عنها ومش طايقةجوزها راحت لمامتها وحكتلها ووالدتها قالتلها حاضرهطلقك منه بس اصبرى عليناشهر واحد هنستلم شقة جديدة نروح نقعدفيها عشان محدش يشمت فيكى وفينا صبرت الشهر ومن بعدها ما اشتكتشى من جوزهاخالص وتشوفيهم دلوقتى بيموتو فى بعض ولا عنتروعبلة طب لوالاهل اتدخلو كان دة هيبقي المصير؟؟؟؟؟؟؟؟؟؟

الدلع وتاثيره على الزوج اهم حاجة فى الجواز مفيش راجل بيحب واحدة راجل اومسترجلة صعب اوى مش بس تبقي مدلعه فى لبس البيت لا كمان طريقة كلامك وتعبيراتك ممكن او موقف هيتسبب فى خناقة تحولية لضحك وهزار بسبب دلعك يعنى مثلا الزوج قاعد فى البيت والست برة واتاخرت ولسة مش اكل والزوجة دخلت الزوج انتى جيتى ياهانم لسة بدرى ويمسك دراعها ويشده جامد تانى مرة مفيش تاخير كدة واجى الاقى الاكل جاهز الزوجة : اهئ اهئ اهئ كدة دراعى اتكسر اخص عليك ياوحش مخمصاك هتلاقية نسي الاكل اساسا واداكى بوسة ههههههههههههههههههه بجد والله مش بهزر دة جوزك يعنى تتفننى فى الدلع معاه وهتاخدى عينة اى طلب عايزة تطلبية تطلبية بدلع مش عايزين فراخ يامحمد ويكون فى ايدك سندوتش ونصة محشور فى زوك ياساتر لا حمادة حبيبى الفراخ خلصت ممكن ياحبيبى لما يبقي معاك فلوس تجيب ربنايخليك ومااتحرمش منك يارب هيقولك عنية تروحى عطياله اكبر بوسة وماتخليش يوم يعدى عليكى من غير ماتقوليله انابحبك اوى ولو يوم انشغلتو عن بعض تحضنيه انشالله قبل النوم وتقوليلة وحشتنى اوى طول اليوم

خليكى مع المشاكل زى الثلاجة 

مع المشاكل يابنات تتعاملى ببرووووووووووووووووووووود وخصوصا قصاداهل الزوج لان لوناس مش كويسين هيحاولو يستفزوكى باى طريقة عشان يعرفو نقطة ضعفك وانتى اية اللى بيزعك ولو عرفونقطة ضعفك يبقي ياويلك فنصيحتى خليكى باردة فى ردودك يعنى مثلا حد قالك انتى فيكى صفة معينة وانتى شيفاهااهانة انتى مثلا تخينة مليانة رفيعه قصيرة اوعى وشك يقلب الوان وتقعدى تقوليلهم دة انتو اللى فيكو وفيكو لا بكل برود تقولى انا انا سبحان الله اول حد يقول عليا كدة دى الحاجة دى بالزات احلى حاجة فيا عموما انا كدة حلوة ولاطويلة ولاقصيرة ولاتخينة ولارفيعة وعلى فكرة اى حد بيحاول يفكرك بعيوب فيكى يبقي متغاظ من حاجة حلوة اوى عندك ومش عنده خليهم هم يطقو واحنا نحرق دمنا لية !! خليكى دايما وابدا واثقة فى نفسك وفى قدراتك

  وحسسي اللى حواليكى بثقتك دى

الحاجة اللى بتخوف كل بنت

الحاجة اللى كلكم بتخافو منها لما يقرب الجواز وبتنسو انكم كان نفسكم اليوم دة يقرب وتدعو ليل نهار فرحكم يتحدد ساعتها بتنسوكل حاجة وتفتكرو يوم الدخلة واللى هيحصل فيها وغشاء البكارة والكلام دة المهم عايزاكم ماتحملوش هم الحكاية دى اساسا ولاتفكرى فيها اطمنى كل الحاجات دى بتعدى وزى الهوا بس قولى يارب واستغفرى كتيييييييييييييييييير واعرفى ان ربنا بيديكى على قد ما انتى تطيقي وجوزك يطيق يعنى على قد طاقتكم هحكيلكم موقف غريب اوى ورد فعل العريس فية مختلف لان العروسة مختلفة والنتيجة كمان عجيبة عروسة وعريس العروسة زى اى بنت خايفة وبتقول يارب عدى الموقف دة وبتستغفر كتير والعريس خام جدا زى اى واحد محترم ملوش تجارب قعد يحاول يفض الغشاء وحصل علاقة كاملة بينة وبين العروسة ومفيش اى اثار للغشاء يعنى لافى دم ولاحتى مية استغرب اوى بعد شوية كررالموضوع وبرضومفيش نتيجة وهى طبعاهتموت من القلق وخايفة يكون دى النهاية ويظن فيها سوء اويعمل زى الحكايات اللى بنسمعها واحديضرب واحدة ويكسرعضمها ويفضحها وبعدين ويوديها لدكتور ويكتشف انهابنت تانى يوم نفس الحال كرر الحكاية ومفيش وكرر تانى ومش نزل اى دم قالها انتى خايفة عشان كدة الدم هرب انا خلاص مش هعمل حاجة ومش هتعبك وقال لاهله لماسالوه كله تمام والحمدلله وراح نام لقى مراته بتصحية بعد ساعه وبتقوله الغشاء نزل لوحده وبعدها قعد لمدة اسبوع كل لقاء بينهم ينزل دم شفتو التصرف الطبيعى بتاع اى واحد مكان العريس انه يشك ويقول مش بنت ويتهور ويعمل اللى اى واحد جاهل ممكن يعمله بس عشان ربنا بيحب البنت دى او عشان كانت بتستغفر هدى جوزها ولوجوزها دة انسان متهور مكنشي ربنا هيحطها فى الموقف دة من اصله لان ربنا بيديناعلى قد ما نحتمل ونطيق خلاصة الكلام اللى فرحها قرب ما تفكرش اساسا الموضوع بيبقي اسهل من شكة الدبوس ولو ما تنشنتيش الدم مش هيهرب

خلى جوزك هو المهم عندك

خليكى مع جوزك دة نمبر وان فى حياتك ماتشغليش بالك باهله وامه واخواتة وسلايفك كل دول مش دايمين انا قصدى ماتشغليش بالك بيهم لوهم بيحاولو يضايقوكى او ليهم سوابق معاكى قبل الجواز اهم حاجة عندنا جوزى
خليكى مميزة واتعلمى اكلات جديدة وفرحية وفاجئية على طول بحاجات عمره مااكلها فى بيت اهله يتعود يقعد معاكى ويحب قعدتك خليكى مفرفشة كدة وضحك وهزار بدل الراجل مايطفش عنداهله ومع اصحابه والله انا مره شفت عريس خارج لوحده تالت يوم فرحه وبيسئلوه قال زهقت حاولى تبقي احب الناس لقلبه شوفى سيدنا محمد عليه الصلاة والسلام كانت احب الناس لقلبه السيده خديجة مع انهاكانت اكبر منه سنا وسبق لها الجواز وحتى بعدماتوفت رضى الله عنها كانت السيدة عائشة البكر بتغير منها فهمنى هى اكيد تعبت اوى عشان تاخدالمساحة دى فى قلبه عايزينه لوحصل ظرف وغبتى عن البيت يوم مايجيش ليه نوم
  وانتظرونى فى الجزء التانى قريبااا