طبعا اسباب المشكلة دى مش محتاجة انى اتكلم فيها بس هى بشكل عام سببها فى البعد عن ربنا من ناحية ومن ناحية تانيه الفراغ اللى بيمر بيه الشباب قبل الجواز والقاعدة اربعه وعشرين ساعه على النت وشوشو شااااطر
طيب وياترى احنا هنحل الموضوع دا ازااااى مع اجوازنا
بصوا ياقمرات الموضوع عايز منك شويه صبر مش اكتر من كدا
- لاااااااااااازم ياقمر ودى اهم حاجه انك تقربى جوزك لربنا ساعديه انه يداوم على الصلاة والاستغفار وسماع القران ولو نجحتى فى النقطة دى بجد هتلاقى ان اى حاجة تانيه مطلوبة منك هتبقى سهله ان شاء الله
- اتعودى ياحبيبتى انك تبقى مع جوزك طول ماهو قاعد فى البيت بس مش معنى كدا انك تقعدى على نفسه لاء طبعا بس حاولى تراقبى جوزك من بعيد لبعيد يعنى انا اسمع كتير من بنات اللى تقول انا قاعده على النت فى اوضة وجوزى قاعد فى الاوضه التانيه على النت وكل واحد فينا فى وادى
ماهو كدا ياقمر انتى بتديله فرصه ان الشيطان يلعب فى دماغه حتى لو كان جوزك يعرف ربنا بردو هو مش ملاااااااااك
- لازم تتعودى انك تبقى رقيبه على تصرفات جوزك بس بشكل غير مباشر يعنى ايييييييه بمعنى ان لو جوزك قاعد لوحدة على النت ادخلى عليه كل شويه باسلوب حلو مرة كوبايه عصير ع السريع مرة كلمة تقوليلها وهكذا بس حسسيه انك معاه فى البيت عشان لو فكر يعمل حاجه كدا ولا كدا يحس انه محاصر منك
- من اكبر الغلطات اللى ممكن تعمليها فى حياااتك كزوجة انك تنامى فى ميعاد غير ميعاد نوم جوزك وتسبيه يسهر مع نفسه صدقينى بجد دى مشكله فى حد ذاتها لانكوا كدا بتبعدوا عن بعض من غير ما تحسواا ومن ناحية تانيه بتعودى جوزك ينام وقت ما يحب وفى المكان اللى يحبه ومن ناحية تالته بتدى جوزى الفرصه انه ينفرد بالنت والفضول يعمل عمايله معاه
فحاولى تظبطى نفسك على نوم جوزك يارب يكون بينام الفجر اسهرى معاه وخليكى على قلبه واشغليه متحسسهوش انك سهرانه عشان تحاصريه لاياحبيبتى استغلى الوقت فى هزاركوا مع بعض فى كلام فى لعب فى اى حاااجه تحسس جوزك بان الوقت اللى بيقضيه معاكى احلى وامتع بكتير من الوقت الى بيقضيه على النت
- الزوج اللى من النوع دا محتاج اللى يملى عينه فى البيت يعنى محتاج زوجة بكل الاشكال والالوان والاهم من دا انه بيدور على الجرأأأأأأأأأأة ودى ركزى اوى عليها فلازم تبدئى تعودى جوزك على الدلع اللى هو بيدور عليه على النت
- بما ان جوزك ممكن يشوف المواقع الاباحية دى من حقك انك تراقبيه بس من غير ما يحس يعنى ياحبيبتى راقبى تصرفاته على النت والمواقع اللى بيدخلها اهم حاجه ان جوزك ميحسش بكدا ابداا ووقت ما تلاقى موقع كدا ولا كدا يبقى المواجهة فوراااا وقتها وتاخدى منه موقف جد عشان يحس بغلطة يعنى متستهونيش ابدا ابدا فى الموضوع دا لانه صدقينى لو لاقى منك رد فعل عادى زعل يومين وخلاص هيتمادى فى الموضوع ومش هيحاول يصلح من نفسه نهائى
- اتعودى تنامى فى حضن جوزك يعنى مش تعملى كل جهدك وتعذبى نفسك عشان تسهرى معاه وتنامى فى معاد نومه عشان فى الاخر تناموا وضهركوا لبعض ودا ليه تأثير كبير جدااا والله يابنات على علاقتكم ببعض لانك بتعودى جوزك على وجودك معاه بالتدريج وبترسمى صورتك فى ذهنه لان راحته هتبقى مرتبطة بوجودك جنبه ودا هيخليه يفكر ويراجع نفسه قبل ما يفتح موقع كدا ولا كدا
- اشغلى جوزك معاكى لو هو اجازة واليوم كله مقضيه معاكى فى البيت يعنى متسيبهوش يقول دى فرصه راحة اذا اقعد على النت
لاياقمر حاولى تشغليه معاكى مرة تطلبى منه حاجه خفيفه يساعدك فيها مرة تجبيله كرسى وتقعديه معاكى فى المطبخ وتشوفوا فيلم وتدردشوا لغايه ما تخلصى تحضير الغدا او اطلبى منه يعمل عصير لغايه ما تخلصى حاجه تانيه وهكذا اشغليه معاااكى بحاجات بسيطة تيجى على مزاجه وتبسطة مش تحسسه انه هيشتغل مكانك
واخيرا ياقمرات ملخص الموضوع كله فى النت يعنى انتى تمسكى المشكله من اولها مش من نصها
- يعنى جوزك فاضى وقاعد لوحده على النت حاولى تلغى القاعدة دى تمااااماااااااااااااا من قاموسه
- تفكريه بربنا وباوقات الصلاة باستمرااار لغايه ما يتعود يقوم من نفسه يصلى فى ميعاد الصلاة
- اثبتى وجودوك فى حياته عشان هو يحس بوجودك ودا هيكون بدلعك ولبسك واسلوبك وشكل حياتك معاه
- اعملى كل اللى تقدرى عليه عشان تجذبى جوزك ليكى وتكونى انتى عنده اهم من النت واللى عليه
وادعى ربنا واستغفريه بنية هداية جوزك وبعده عن الحرام
ليست هناك تعليقات:
إرسال تعليق