ازاى تتعاملى مع جوزك

هقولكو النهاردة اول حاجة ازاى تتعاملى مع جوزك
بصو فى البداية كدا يا بنات لازم تفهموا كويس ان الحياة الزوجية مش شغل بيت ومسؤليه ومطبخ وترويق وشكرا على كدا انا أديت واجبى على أكمل وجه

لازم تفهمى كويس ان علاقتك بزوجك لااااااااااااازم تبقى بالظبط علاقه حبيب بحبيبته حتى لو عندك خمسين سنه ولازم دايما يكون جوزك حاسس انه قاعد مع عشيقته وصاحبته اللى ممكن كان يعرفها ايام الجامعه وايام اللف وكان يعد الثوانى عشان يشوفها ويقعد معاها
طيب ياترى دا هيحصل ازااااااااااااااى
بصى ياقمر

*** جوزك على ماتعوديه
خلى الطرد والجذب قاعده عريييييضة تمشى عليها فى حياتك بمعنى ايه
يعنى مش كل الوقت هتبقى رومانسيه ومش طول الوقت هتبقى قاعده بتحبى فيه اكيد لاء طبعا عشان نبقى واقعيين شويه الحياة مش هتسمح بكدا لكن بردو مش هتمنعنا اننا نحب شويه يعنى فى اجوزانا
بس فى نفس الوقت خليه يدور عليكى خليه يحس انك واحشاه حتى لو قاعدين فى البيت مع بعض اربعه وعشرين ساعه فى وش بعض
طب هتسالينى ازاى دا هقوم احبس نفسى فى البلكونه مثلا
اكيد لاء طبعا انا هقولكوا
بغض النظر عن مسؤليه البيت خلصتى اللى وراكى وروقتى وظبطى نفسك وبقيتى موزة مش تروحى يوميا تقعدى جنبه ووشكوا فى وش بعض مشيها يوم كدا ويوم كدا وتعالى فى مرة غيرى القاعده وفاجئيه ان ليكى اهتمامات تشغلك عنه مارسى هواياتك اعملى اى حاجه ايجابيه تنعش روحك من جوا او كلمى واحدة صاحبتك ارغى شويه معاها بس متطوليش عشان الفاتورة

افتكرى دايما انك أنثى يعنى صوتها هادى فى اصعب الامور تجنبى انه يشوفك عصبيه وصوتك عالى لو الامر هيوصل بيكى للنرفزة ولتصرفات هنتعكس على صورتك فى نظره بعد كدا يبقى تقعدى لوحدك لغايه ما تهدى خااااااااااالص وبعدين تتكلموا وتتناقشوا بهدوا ويبقى كدا انتى كسبتى حاجتين اول حاجه انك احتفظتى بأنوثتك ومش هيمسك عليكى تصرف بايخ وتانى حاجه انك أجلتى النقاش فى المشكله لغايه ما هديتوا وبالتالى المشكله اتحلت بهدوء وبالنقاش


** افتكرى دايما ان جوزك هو الراجل الوحيد فى حياتك اللى مسموح ليكى تحبيه وتعشقيه وتسمعيه احلى ماعندك وتسمعى منه احلى ماعنده يعنى انتى اكيد ياما اتمنيتى الحب قبل الجواز واهو ربنا كرمك ورزقك بانسان وجعله من نصيبك بغض النظر عن عيوبه ومميزاته يبقى انتتى جتلك فرصه تحبى وغيرك مش لاقى الفرصه دى صح ولا ايه يبقى تحافظى على النعمة اللى ربنا اديهالك واتعاملى مع جوزك على أنه صاحبك اللى عرفتيه فى جامعه حبيبك اللى عرفتيه فى الخباثه جوزك اللى ربنا كرمك بيه بالحلال وادى نفسك الفرصه انك تعيشى الحب بالحلال وبجد طعمه أحلى بكتير

** ارضى جوزك زى ما بترضى ابنك
قرينا كتير وسمعنا اكتر ان الراجل طفل كبير طيب فين التنفيذ؟؟؟ انا مش هتكلم

** عاملى جوزك بالشكل اللى تبقى واثقه انه هيرضى ربنا قبل ما يرضى جوزك
لو هتسالى نفسك فى كل تصرف بتعمليه هل دا يرضى ربنا ولا لاء صدقينى مش هتلاقى مشاكل من ناحية معاملتك لجوزك الا لأسوأ الظروف