الزوج الخاااااااااااين مش موضوعنا دلوقتى لان دا موضوع تانى خالص الشك فيه هيبقى حلااااااال
سبب المشاكل فى اغلب البيوت للاسف هو الشك والغيره واللى فى الغالب سببه النت بعد ما كان زمان مقتصر على الشغل والبنات اللى ف الشغل والسكرتيرة تبع الزوج لكن دلوقتى بقت الوسيله متاحة فى البيت وقصادك اربعه وعشرين ساعه لغايه ما خلاص الزوجات قربت تتجنن
بداية كدا كان فى حديث عن الرسول (ًص) انا مش فاكراه بالنص لكن كان معناه وااااااااااااااااضح وهو ان الشك لما بيتمكن من حد بيبقى من وساوس ومخارج الشيطان والمفروض اننا منستسلمش للشيطان لانه بيزين لينا حاجات بعيييييييدة اوى ممكن نصيب فيها وممكن نخطأ وكمان احنا بكدا بندور على الشئ اللى يتعب أنفسنا بدون يقين وفعلا صدق الرسول (ص) فى كلامه
طيب ياقمرات الشك بيبقى اكيد غصب عننا ممكن الزوج أفعاله هى الى تخليكى تشكى فيه غصب عنك وبالتالى تدورى ورااه هنا وهنا وممكن انتى طبعك شكااااااك وممكن كمان يكون سبب الشك اللى بيتخلق جواكى انك سمعنى حكاية عن فلانه ان جوزها بيخونها ودا خلى الشيطان يلعب فى دماغك وتقولى ما انا جوزى ممكن يعمل كدا انا اعرف منيين ومن هنا يبدأ الشك يتوغل جواكى ويوصلك لامور انتى فى غنى عنها
طيب ماهو الموضوع قد يكون خارج عن ارادتنا وغصب عننا عشان فى مواقف بتستدعى الشك
لكن هل انتى فى مرة قبل ما تبدئى تدورى ورا جوزك حتى لو بدافع الفضول تدعى ربنا ان جوزك يصونك فى غيابك وتبقى قرة عينه
جربتى الدعاء والاستغفار بان ربنا يحفظلك بيتك وجوزك من اى سوء
صدقينى ياحبيتى فعلا والله الدعاء بالهدايه للزوج حتى لو مشوفتيش عليه اى تصرف غلط بيجيب نتيجة عشان ربنا وحده هو الهادى
أهم حاجه انك لااااااااازم تحطى اوى فى اعتبارك هل جوزك يستحق الشك ولا لاء . هل يستاهل انك تدورى وراه عشان بتشكى فيه ولا لاء. هل حصل منه موقف معين خلاكى مش قادرة تثقى فيه . هل اخلاق جوزك نفسها تستدعى انك تشكى فيه
لازم ياقمر تسألى نفسك الكام سؤال دول وتجاوبى على نفسك بشكل منطقى ولو كانت الاجابه ان جوزك ميستاهلش تشكى فيه يبقى تبدئى تدعى ربنا يهديهولك وتستهدى بالله انما لو الاجابه انه يستاهل الشك يبقى دا موضوع تانى
لازم تحددى مشكلتك ايه وسببها ايه لان المشكله كلها فى السبب اللى وصلك للشك مش فى الشك نفسه يبقى المفروض انك تصلحى الغلط من اوله مش من نصه
يعنى مثلا انا بشك فى جوزى عشان لقيته بيكلم واحدة على الفيس بوك
والشك بدأ يشتغل وخلانى اسال نفسى كام سؤال
ماهو ممكن يكون بيكلم غيرها على سايت تانى او على الميل او يكون عنده ميل تانى او او او ودماغى راحت وجت وانا لسه محتارة وقلقانه
طيب ايه العمممممل بقى الحالة دى؟؟؟؟؟؟؟؟
- الموااااااااااااااااااااااجهة ياقمرات صدقينى مفيش احسن واعقل منها تتكلمى بهدوووء مع جوزك كأنه صديق زى ما عرفنا ازاى هتكسبيه صديق وتبدئى تتناقشى معاه لغايه ما توصلى لحل يرضيكى ويرضيه وبكدا انتى مبتديش للشك فرصه انه يكبر جواكى ويخليكى تسالى نفسك مليون سؤاال يعنى لازم تحلى المشكله نفسها ايه اللى خلى جوزك يعمل كدا !!!!!!
- اكبر غلط ان الزوجة تعرف ان جوزها بيكلم واحدة وتروح تكلمه على انها عملت عليه كبسة فى ميدان عام لانك كدا بتدفعيه انه يكذب عليكى ويدافع عن نفسه لانه حس انه بيتحقق معاه وطبعا فى الحالة دى عمره ما هيعترفلك انه غلط فى حقك
- وكمان الغلط اللى اكبر من كدا انك تحسسى جوزك انك بتدورى وتفتشى وراااه صدقينى دا بيكبر الفجوة بينكوا وبتخليه ياخد احتياطاته ويستمر فى الغلط اكتر واكتر لانك مش اديتوله فرصه يتكلم مش هقولك يدافع عن نفسه لانه اساسا غلطان بس اعتبريه ابنك اللى غلط وانتى بتنصحيه وبتساعديه يصلح غلطه بس اهم حاجه تاخدى منه موقف جاد عشان تحسسيه قيمة غلطه بس كل حاجه بالهدووء
- لازم تفهمى كويس انك لو حققتى كل اللى قولنا عليه فى الموضوع دا انك ان شاء الله مش هتوصلى لمرحلة الشك فى حياتك نهائى
- لازم تتعلمى ازاى تبقى زوجة عمليه يعنى مش من اول مشكله وموقف يبقى كأنك مسكتيه عامل جريمة يعنى ضرورى متنسيش ابدا ان البنى آدم ربنا خلقه خطـــــاء يعنى بيغلط مرة واتنين وعشرة
- لازم تقوى علاقتك بجوزك عشان مش تديله الفرصه انه يعمل الغلط اللى يوصلك للشك
- لازم تدلعى جوزك بأكتر من شكل وتفهمى ان الراجل حواليه النار من هنا ومن هنا النت مخلاش حاجه وممكن يمشى فيها لو حس انه مش لاقى اللى هو عاوزه فى بيته يعنى متديش الفرصه لجوزك انك تسمعى منه فى مرة جمله بايخة اوى زى ( هى دى الستات ولا بلاش مش الغفر اللى قاعد معايا فى البيت ) لانه كلام بيتعب والغريبه انك لو زعلتى هتلاقي منه رد فعل مستفز دا انا بهزررررررر !!!!!!!!
- لازم تفهمى كويس ان الراجل حواليه اغراءات فى كل مكان فلو مش مليتى عينه هو هيقدر يملاها بمعرفته لان مفيش راجل بيغللللللللب فى امور زى دى
طيب كل اللى قولناه دا عشان تمسكى المشكله من قبل ما تحصل ومتسمحيش للشك انه يدخل دماغك طيب لو حصل بالفعل وانتى مبقتيش واثقه فى جوزك ايه العمممل بقى
بصى ياقمر
- جو بيتك لاااااااااازم يحبب جوزك فى دينه ويفكره بربنا طووول الوقت عشان توصليله ايه الصح والغلط باستمرار
- انتى نفسك لازم تذكرى ربنا باستمرار وادعي فى اوقات الاستجابه بكل اللى انتى عاوزاه
- متعتبريش الشك انه خلاص بقى نهايه مأساوية لحياتك ومش هتقدرى تصلحى منها .. لازم تستعيدى الثقه بالله وبنفسك وتبدئى تحطى النقط على الحروف وتبدئى حياة جديدة مع جوزك خاليه من اى مشاكل
واخيرا ياقمرات لازم تفتكرى كوووويس اوى ان اللى بيبدأ كويس من البدايه هيلاقى اللى يرضيه فى النهايه
يعنى متكونيش مقصرة فى حق جوزك وترجعى تسالى بيخونى ليه
متكونيش بعيدة اوى عن جوزك وفى فجوة بينكوا وترجعى تسألى بيتكلم مع فلانه على النت ليه
متكونيش عايشه فى دايرة مغلقه مع نفسك وترجعى تسالى جوزى بيبعد عنى ليه
متكونيش بتقصرى فى الكلام مع جوزك عشان انتى طبعك مبتتكلميش كتير وترجعى تسالى اهملنى ليه
يعنى من الاخرررررررررر الشك فى حياتنا مجرد رد فعل مش اكتر من كدا
فحاولى تتحكمى فى اعصابك وتبقى هاديه وواثقه فى نفسه ومتفكررريش ابدا ان جوزك بيخونك عشان خيالك ميرحش لبعيد
الغيره مرتبطة بالشك عند ناس كتير بس صديقنى وعن تجربه حاولى تستغليها صح
متخليش الغيره على جوزك توصلك انك تشكى فيه
خليها تقوى علاقتك بيه وخلى عتابك لجوزك مش انك تعملى مشكله عشان انتى بتغيرى عليه لاء استغليها لصالحك كلميه بهدوء وبدلع وحسسيه انك فعلا بتغيرى مش بتشكى ودا لو وصل لجوزك صدقينى هيحافظ على مشاعرك فى غيابك اكتر ما هيحافظ عليها فى حضورك
وربنا يصلح الحال ما بين كل الازواج يااااااااااااارب
ليست هناك تعليقات:
إرسال تعليق