فى البداية كدا السيطرة على عقل الزوج هتيجى من المعاملة الكويسه اللى بيغلفها الحب واللى لازم يحسها على طووووول مش بس وقت ما يكون ليكى مزاج
طيب وياترى هتشغلى جوزك ازاى وتخليه يفكر فيكى طول الوقت
دا هيبقى عن طريق التشويييييييييييييق يا قمرات خصوصا هو بعيد عنك ولازم تفننى اوى ف الموضوع دا وتغيرى فيه يعنى متتبعيش اسلوب واحد عشان تقدرى تحققى عنصر المفاجأة لجوزك
طيب دا هيحصل ازاااى بقى
- طبعا جوزك اغلب الوقت هيكون فى الشغل من الصبح لغايه العصر مثلا وفى الوقت دا لازم تتفقى انتى وجوزك ترنوا على بعض وفى حالة لو انتوا مش متعودين على كدا بلاش تتقلى عليه كلميه باسلوب حلو واطلبى منه يرن عليكى وقت ما يكون فاضى فى الشغل ودا عشان يحس انك معاه فى كل الاوقات وعلى فكرة دا بيربطكوا اوووى ببعض ومع التعود لو انتى مرنتيش عليه هيحس انه ناقصه حاجه
- فاجئى جوزك كل فترة وفترة برساله حلوة تنعشه وهو فى الشغل مرة تكون رساله حب ومرة تفكريه بموقف حلو حصل بينكو او تضحكيه بموقف او بكلمة فى رساله بجد هتفرق كتيييييييييييييير اوى معاه يعنى تخيلى انتى لو انتى مضغوووطة اوى فى شغل البيت ومع الاولاد ومتنرفزة وبصيتى لقيتى جايلك رساله على الموبايل من جوزك حبيبك هيكون شعورك اييييه ومع ذلك هتفرق معاه هو اكتر ما هتفرق معاكى وبالتالى جوزك مش هيبطل تفكير فيكى وفى رسالتك وهو فى الشغل وهيدعى ربنا
الوقت يمر بسرعه عشان يرجعلك
- فاجئى جوزك بالتغيير فيكى انتى شخصيا اعملى لوك جديد فى لبس البيت او فى الخروج وفى شكلك ودا هياثر اوى فى جوزك وهيشغل باله شكلك الجديد خصوصا لو ابهرتيه فعلا بحاجه جديدة هو مش متوقعها وحبها عليكى
- فاجئى جوزك بهدية من غير مناسبه بس تكون عمليه بالنسباله لان الراجل لو هتجبيله مرة وردة هيفرح بيها اول مرة بس لكن فرحته بيها هتقل لو كررتيها
- اسعدى جوزك فى العلاقة الزوجية اووى واعملى كل شئ يطلبه منك من غير كسوف طالما ربنا حلله لان سعادته هتنعكس على اسلوبه معاكى وعلى حياتكوا
- اتصلى بجوزك مرة وهو فى الشغل قوليله وحشتنى اوى اى كلمة حلوة واقفلى بجد هتقللى اووى من ضغوط الشغل عليه من ناحية ومن ناحية تانيه هيبقى عايز يطير ويرجعلك بسرعه
طيب دا كله هتعمليه وهو برا البيت طيب وهو قاعد معاكى هتشغليه بيكى ازاااااااى بقى
- لام تفننى اوى فى ترتيبك للبيت وتضيفى لمسات خاصه بيكى فى كل ركن لان دا بيخلى فى هدوء نفسى بينك وبين جوزك
- فاجئى جوزك بيوم خاص يبقى ليه ترتيباته الخااااااااااصه اوى وكأنها حفله صغيرة ليكم انتم الاتنين ولو هو برا البيت عرفيه انه هيبقى يوم خاص فى رساله بحيث تشوقييه وتخلى يفكر ياترىاليوم هيبقى شكله ايه
- نوعى فى اسلوبك معاه بحيث تبقى مرة بتتكسفى منه ومرة تبقى جريئه معاه يعنى لاااااازم تحسسيه بخجلك باستمرار وصدقينى هيفتكر ليكى موقف معين وهتلاقيه ابتسم من فرحته بيكى لانه شايف فيكى كل حاجه بترضيه
واخيرا ياقمرات المعاملة الكويسه والحب كافيين انهم يشغلوا جوزك بيكى خصوصا فى اصعب ظروفه لان الراجل على اد ما بيظهر انه قوى بيبقى محتاج للى يطبطب عليه وقت ضيقته
فلاااازم ياقمر تبقى مع جوزك فى كل الاوقات مش تديله فرصه ينساكى او تغيبى عن باله يعنى من الاخر اعمليله حصااااااااااااااااار عاطفى يغلف عقله وهيبقى على قلبه زى العسل متخافيش وهتملى كل حياته ومش هتخليه يبص بره
ليست هناك تعليقات:
إرسال تعليق