طبعا
اغلبنا ان مكنش كلنا بنشكتى من قاعدة الزوج على النت وقدام التليفزيون
طوول ماهما قاعدين فى البيت طيب ياترى هتقدرى تشغلى جوزك عن النت
والتليفزيون ازاااى بقىبصى ياقمر
- جوزك ياقمر هيلتفت ليكى ويسيبه من النت وقت ما يحس انك بشغليه بيكى وبتجذبى انتباهه يعنى ياحبيبتى مش تلاقى جوزك قاعد بيلعب المزرعه السعيدة وتقولى فرصه ادخل انام ادخل اشوف حاجه اعملها وتسبيه يعمل اللى يعمله ما انتى كدا بتعوديه على طبع وروتين هيأقلم نفسه عليه يومياااا ومش هيستغنى عنه بعد كدااا !!
- لاازم ياقمر تقعدى مع جوزك تهزروا تتناقشوا تقعدى معاه وهو قاعد على النت شاركيه اللى بيعمله بحيث الحوار او الهزار يشغلكوا ببعض بعيد عن النت وصدقينى لو كنتى فعلا لفتى انتباهه ليكى بخفة دم كدا هتلاقيه منه لنفسه قفل النت وانتبهلك
- جربى تعملى اتنين عصير فريش وتروحى تقعدى جنبه وتهزرى معاه هزار بغلاسه بضحك التلاته مع بعض عشان ميحسش انك بتخرجيه من موده بالعافيه وصدقينى هتلاقيه بيتجاوب معاكى بس الكلام دا ميكونش وقت الماتش مثلا عشان مش تلاقى رد فعلا مش تمام يعنى لازم تختارى الوقت اللى تحسى انه بيضيعه وخلاص مش متابع فيه حاجه مهمه بالنسباله وهتلاقيه بيسيب اللى فى ايده ويتجاوب معاكى
- لو بالنهار اشغليه معاكى بدلع فى امور البيت بس يكون فى حاجات بسيطة اووى يعمل مرة عصير وانتى بتحضرى الغدا تقعدوا تتفرجوا على فيلم تختاروه سوا تاخدى رايه فى ترتيب مكان معين فى البيت وهكذاا وبكدا بتشغليه بحاجات بسيطة عن النت والتليفزيون
- جربى مرة تقعدى جنبه وهو قاعد على النت او التليفزيون وتعملى نفسك زعلانه بس يكون زعل بملامح الاطفال عشان تجذبى انتباهه ولما يسالك مالك قوليله انت سايبنى قاعده لوحدى وانا زعلانه منك هيحاول يفتح معاكى كلام او هزار وانتى استجيبى معاه وهتلاقى الوقت عدى
- لو هو قاعد قدام التليفزيون شاركيه ياحبيبتى يعنى مش فى كل مرة تضايقى من قاعدته قدامه يعنى اختاروا فيلم او مسلسل بتحبوه واتفرجوا عليه سوا وتعليق منك على تعليق منه مع شويه مسليات لب وسودانى صدقينى هتلاقى احلى وقت قضتيه معاه ومر بسرعه كمان
- شاركيه اهتماماته على النت كمان شوفى لو كان من اللى بيحبوا يلعبوا مرة اجذبيه ليكى وللقاعده معاكى ومرة اجذبيه للعبه عشان ميزهقش ودا بانك تلعبى معاه نفس اللعبه وتتنافسوا مين يجيبب سكور اعلى من التانى وهتلاقى الموضوع ممتع اووى وهتنبسطى
ولو كان من اللى بيحبوا يتابعوا الاخبار شاركيه واقرى واعرفى ايه الجديد واقعدى معاه وناقشيه وهتلاقى الوقت بقى مسلى ليكم انتم الاتنين
- لازم ياقمر تعودى جوزك على وجودك جنبه وهو بيقضى وقت فراغه على سبيل التسليه والاهتمام بيه عشان ميوصلش الامر بيه لدرجة الملل والزهق وتلاقيه بعد كدا يحب يسهر برا البيت مع صحابه
- عودى جوزك على الدلع وانكم تتسلوا فى اى لعبه بأحكام تختاروها سوا صدقينى بجد هتلاقيه ساب النت باللى فيه وحابب يقعد معاكى وتلعبوا سوا
واخيرا يا قمرافتكرى ان جوزك على ماتعوديه يعنى لو انتى لسه فى اول جوازك فابدئى معاه بانك تثبتى وجودك فى حياته انما لو بقالك فترة طويله متجوزة يبقى تبدئى تعودى جوزك على عادات جديده بس بالهدوووء وبراحة عشان يستجيب معاكى
ليست هناك تعليقات:
إرسال تعليق